前體育主播爆古天樂私下人品　11年前合作過記到依家！

古天樂主演的電影《尋秦記》成全城熱話，近日前體育主播伍家謙就在社交網，分享原來11年前曾與古天樂合作拍廣告，當時其中一個鏡頭，伍家謙要在古天樂前整跌筷子，兩人在埋位前曾有互動，伍家謙笑言現實中的古天樂似足《尋》中的「項少龍」：「果然好似啲報紙雜誌所講，愈有分量嘅人越nice。佢笑笑口同大家打招呼，然後就全世界再排一次。到依家我仲好記得當時嘅情況。佢話：『喂，一陣唔好手震喎。』我（少驚）：『……手震咪易啲整跌啲筷子囉。』古：『吖又好似駁你唔到喎。』（完全係項少龍嗰隻語氣，想像下）拍攝過程順利，好似兩三個take就搞掂晒；再拍多三四鏡，我嘅部分完成。然後古生就去休息。難得有機會同佢一齊拍嘢，話唔想影張相就呃人嘅。只係開工期間影相好唔pro，拍完大家又忙住執燈轉景，所以惟有作罷，換衫走人。」

他續指離開時終鼓起勇氣向對方集郵，古天樂笑指：「搞錯呀頭先又唔影，依家我着件打底衫先搵我」，但亦大方合照，更向當時由主播轉型的他送上關心，毫無架子。

東網網站 : https://on.cc/東網Facebook專頁 : https://www.facebook.com/onccnews/