傳周潤發梁朝偉演《九龍城寨之龍頭》 古天樂回應藏玄機

古天樂（古仔）與小演員蘇悅弦（Soso）繼電影《明日戰記》後，於新戲《送院途中》再演父女。古仔昨晚（23日）出席《送》片首映禮時看Soso身穿背心連身短裙，即叮囑她下次不要穿那麼少，十分搞笑﹗古仔受訪時讚Soso是名天才演員，他被問到是否會力捧Soso時說︰「咁細個就要捧？唔係唔可以考慮，但要得到佢父母同意，佢都要專心讀書。」

傳梁朝偉將參演電影《九龍城寨之龍頭》並飾演「雷震東」，古仔笑說︰「龍頭仲谷緊，等熟啲先唧。梁朝偉演雷震東？龍頭熟咗就知。」郭富城推薦周潤發演「雷震東」，古仔說︰「龍頭有時好奇怪，可能係孖龍頭，要唧咗先知﹗我有冇心水由邊個演雷震東？一切等劇本定咗先，仲要同導演睇番個預算。」談到日前在杜琪峯70歲壽宴上與周潤發、梁朝偉同場，古仔說當日主要是為杜琪峯慶祝，沒有談及電影合作的事。 鄭中基傳與太太余思敏離婚，雙方更就事件鬧上家事法庭，古仔表示︰「畀啲空間佢﹗我哋有通電話，等佢處理好所有事，至再約佢食飯。」

（即時娛樂）