周永恆太太親證離婚近1年　 解釋當日車廂相擁原因

周永恆（Roy）多年來負面新聞被封「世紀賤男」，2017年與趙頌茹離婚時被爆出軌及家暴；2018年與內地妻子陳薇（Britni）奉子成婚，育有一子，2023年再爆出家暴事件並鬧上法庭。日前有網民分享周永恆在港鐵車廂內與女子親暱相擁，傳出背妻「偷食」，雖然周永恆及後向傳媒澄清，相中人是其太太陳薇，但前女子組合MVG成員周曉彤（Ivy）卻公開指周永恆瞞婚。陳薇今日（3月3日）凌晨在IG限時動態發文，親證與周永恆正辦理離婚手續，解釋兩人在車廂相擁是另有原因。

周永恆太太陳薇日前一度配合，在社交平台表示自己即將滿40歲，笑言自己是「40歲的妙齡少女」。不過事情峰迴路轉，陳薇今日凌晨在IG限時動態發文，親證與周永恆正辦理離婚手續，寫道：「我想喺度澄清少少嘢，本來真係私事唔想多作解釋，但避免事件繼續發酵。現時對方（周永恆）屋企正處理緊白事，當日本人係陪同對方奔喪。本人較早前已委托律師處理緊離婚程序，程序進行緊差唔多一年。解析（釋）完……唔想再浪費社會資源啦，希望事件告一段落。」

在陳薇公開正辦理離婚手續之前，前女子組合MVG成員周曉彤（Ivy）在threads轉發Roy的攬女相，表示：「真係世紀賤男周永恆，你都呃得我透，呃我話離左（咗）婚，千萬個大話。」Ivy向傳媒承認與Roy由去年9月至今年1月曾拍拖4個月。Ivy更指控Roy分手後行為恐怖，不但跟蹤、要挾，甚至自殘後屈她傷人，令她要多次報警求助。如今陳薇親證已辦理離婚手續，恆對Ivy表示已離婚可能並非謊言。

周曉彤今日凌晨再在IG限時動態轉發周永恆的報道，寫道：「真係好嘔心，我從來都冇覺得同你有開心日子過，我只覺得你好煩，好討厭，好不知所謂，繼續活喺自己個世界，唔該晒。講到明分手100次，同你第一日一齊我就已經話要分手，任何藉口我都係會玀（攞）黎分手，就係想逼你唔好再煩我。根本由頭到尾我都係話唔想同你一齊，你又要日日黎煩，又跟住我，日日上門撳我門鐘，仲要係我屋企門口度瞓，根本癲佬。06報警都已經報過幾多次？嗰頭趕走，轉頭你又嚟，煩到癲。見到你就想嘔，請你這輩子都不要再騷擾我，連做朋友我都覺得嫌棄。」