拜仁算唔算有情有義？

法國🇫🇷今屆世界盃第一場比賽，效力拜仁慕尼黑中堅盧卡斯靴南迪斯因傷提早退下火線，盧卡斯已經提早告別今屆世界盃
根據德國傳媒圖片報最新消息，盧卡斯將會因為右邊膝頭哥十字韌帶撕裂而要缺席6個月，好大機會提早收咧，不過拜仁仍然想同呢位法國🇫🇷後衛傾續約
消息指世界盃開始之前，拜仁已經開始同盧卡斯傾續約，雙方傾得幾順利。拜仁原本亦都計劃世界盃完咗之後再同盧卡斯傾續約，雖然盧卡斯依家受咗重傷，不過拜仁依然想同呢位後衛續約，亦都表達球隊對於盧卡斯支持

拜仁體育總監沙利咸美錫接受訪問就話「拜仁係冬季轉會窗唔會簽新後衞，而球隊會100%支持盧卡斯同埋比盧卡斯所有支持，我哋希望盧卡斯快啲好返。」