貝拿度施華：C朗依然可以踢到頂級比賽如果C朗開心我哋就會開心

葡萄牙🇵🇹球王C朗拿度係下半場十二碼入波幫球隊打開記錄，最後葡萄牙🇵🇹以3:2比數險勝加納🇬🇭
效力曼城葡萄牙🇵🇹中場貝拿度施華賽後接受訪問就話「我哋好開心知道球隊仲可以靠晒C朗，C朗除咗入波，佢仲為球隊作出好多貢獻。C朗依家要做咩係佢嘅決定，亦都係為C朗提供合約嘅球隊決定。」
呢位中場仲話「我覺得C朗仲可以踢到頂級比賽，呢樣都要取決於C朗想要咩，我唔知道C朗對於自己生活有咩要求，C朗一定會同佢嘅屋企人傾下，然後再為自己作出決定。」

施華最後就話「我支持C朗決定，佢係我葡萄牙國家隊🇵🇹隊友，如果C朗開心，我哋就會開心🥳，佢同我哋一齊嗰陣一直都好好，佢真係好正架！」