陳自瑤重返舊地打卡　晒10年舊相揭驚人變化

藝人陳自瑤向來保養有道，近日有網民將陳自瑤18歲時的片段放上網分享，清純靚樣即時引起熱議。有見及此，陳自瑤本尊也來湊熱鬧，適逢她主持的綜藝節目《養生之旅 湖北篇》昨晚（23日）播出，她在節目中重踏10年前拍攝劇集《潮拜武當》的取景地，她將10年前後的相片放上社交網作比較，兩張相的她無論笑容、動作及所在位置幾乎一模一樣，最可怕的是陳自瑤的樣子完全沒有變過，堪稱「十年如一日」，她寫道：「最近見到好多網友鍾意搵番我啲陳年舊照，好啦，咁我送多張畀大家啦！話說我10年前去咗武當山拍攝《潮拜武當》呢部劇集之後︳我以為我呢一世人都唔會再返去，點知今次拍攝《養生之旅》…監製又帶返我哋重遊舊地，仲要同當時有份一齊拍《潮拜武當》嘅張頴康，唔係，係已經榮升咗嘅『康哥』一齊去…你話呢啲究竟係緣分呀！定係冥冥中有安排呢？話明重遊舊地…當然要喺返同一個地方影番同一張相啦，你話係咪？眨吓眼就10年啦！大家覺得我呢10年有啲咩變化呢？可以一齊喺呢一張相搵出相同和不同之處。」

相片引起大家熱烈討論，黃翠如笑言：「我想錫啖10年前嘅Yo。」湯洛雯大讚她凍齡：「No change at allll」陳敏之直呼：「黐線㗎冇變過嘅」，梁麗翹讚她愈來愈年輕，要求逆齡秘笈，網民都驚嘆她完全沒有分別，笑指：「明明是去剪了個頭髮和換了件衣服，就說是舊照。」、「咪玩啦，同一日換衫影嘅」。

東網網站 : https://on.cc/東網Facebook專頁 : https://www.facebook.com/onccnews/