孝順仔姜濤公開宣布阿媽做奶奶　邊個係佢老婆？

人氣男團MIRROR成員姜濤上月尾23歲生日，幾乎搞到成個銅鑼灣癱瘓，人氣魅力驚人，當時除咗佢本人去咗打卡見證姜糖（姜濤粉絲暱稱）的愛，連姜母都有現身，仲引嚟多位女性粉絲即場大嗌佢做「奶奶」。估唔到姜濤咁識做，母親節當日佢同媽咪及姨媽到酒店享受大餐，期間姨媽就幫姜母拍照，姜濤都拍片並上載社交平台：「我媽比我還專業…」看似佢笑媽咪有「星味」，不過大家更留意到佢Hashtag「奶奶」，忽然親自認證姜糖係自己「老婆」，連媽咪都升呢做奶奶，真係夠晒錫粉絲。

東網網站 : https://on.cc/東網Facebook專頁 : https://www.facebook.com/onccnews/