m18講場：金管局拍片教曉你聯匯運作

金管局今朝(20日)喺社交媒體上載咗一條短片，內容係回應返廣大網民關注香港聯繫匯率，同埋接錢嘅憂慮。影片見到金管局助理總裁(貨幣管理)陳家齊坐定定，好耐心咁解釋聯匯制度嘅運作。

當美元兌港元嘅匯價掂到7.75或7.85，金管局就會出手買美元或者買港元維持匯率，而金管局就好似一間24小時運作嘅超級找換店。

呢排雖然金管局冇出手接錢，但今個禮拜美國聯儲局將會議息，市場預期好可能會再次加息，而香港嘅銀行亦都已經陸續咁上調H按嘅封頂息口。

陳家齊亦喺影片度提醒即將做長期借貸，例如供樓嘅市民要小心管理風險，量力而為。

東網網站 : https://on.cc/東網Facebook專頁 : https://www.facebook.com/onccnews/