張敬軒多倫多個唱門票遭炒至過萬元︰我表演吞劍都唔值

張敬軒、黃淑蔓等昨晚（8日）演出《周禮茂作品展》，軒仔選唱葉德嫻的《邊緣回望》，藉此勉勵受情緒困擾的人及自己。他自爆最近為自己改了新花名「嘈操」︰「我因為要操肌著泳衣向粉絲『找數』，每朝8點開始操，操到好嘈。估唔到粉絲想睇我著泳衣，真係世風日下﹗」

談到其多倫多站演唱會門票網上開售不到8分鐘便售罄，軒仔說：「加拿大炒黃牛飛係合法，我見到網上好快就有人以1280元加幣放售，連埋其他費用，一張飛要過萬港元。我覺得我就算表演吞劍都唔值，好慚愧，開始考慮由自己做主辦，亦希望粉絲可以量力而為，我總有機會同大家見面﹗」

黃淑蔓昨天23歲生日，獲大會送上蛋糕慶祝。她透露與家人早前到酒店Staycation慶祝，吃了一餐對得住自己體重的自助餐，生日願望是減肥成功、希望明年成功舉行個人演唱會，慶祝入行10周年。

（即時娛樂）