吳業坤獲讚靚仔過張振朗　戴祖儀趴街自詡「實力性仆直」

藝人吳業坤、戴祖儀(Joey)今日出席無綫劇集《刑偵12》宣傳活動，二人於台上大唱此劇片尾曲，劇集出街後，吳業坤被網民大讚他比張振朗更靚仔，就連在旁的Joey都認同，指他由實力派變偶像派，不過Joey就笑他肥了，吳業坤亦坦言：「我係增咗磅，因為之前要打空手道比賽，所以增到86公斤，不過唔怕，演技搭夠，好多謝導演發掘我靚仔呢一面。」

Joey指劇中角色情緒低落，最深刻是醫院爆喊一場戲，拍時相當緊張，幸而一take過拍完，而之前踩滑板留腳傷的她，現時傷口還貼有膠布，她笑言：「呢啲叫實力性仆直，啲人話我成日仆親，叫我去Check吓有冇耳水不平衡喎！」

原本Joey都有受邀請做節目《女神配對計劃》，但檔期撞了做不到，她直認已單身3、4年，是時候找個對象，「有好多朋友介紹對象畀我，依家好多人對我有興趣，都多咗出去食飯認識新朋友，我都想搵個穩定嘅，但依家仲未睇得啱。」

東網網站 : https://on.cc/東網Facebook專頁 : https://www.facebook.com/onccnews/