7.7粉紅海再現教主碼頭 Anson Lo「現身」答謝神徒支持

盧瀚霆（Anson Lo）今天（7日）30歲生日，盧瀚霆國際後援會繼昨晚舉行5000人生日派對後，今天繼續有慶祝活動，一直視自己生日如神徒生日的Anson Lo，一早預告今晚在教主碼頭有驚喜預告，大批神徒無懼酷熱高溫，穿上粉紅色服裝到尖沙咀碼頭對開的LED大電視霸位，不時唱《Hey Hey OK》，不少遊客均停下腳步打卡。晚上7時，Anson Lo「現身」教主碼頭，向神徒表達謝意兼唱生日歌，令到場「朝聖」打卡的神徒既驚喜又感動，影片播放後，近4000名神徒唱生日歌互相祝賀生日，場面震撼。

Anson Lo在影片中對神徒表示：「Hello！各位神徒BB們大家好，我係盧瀚霆Anson Lo，生日快樂，唱首生日歌畀大家聽先。我不嬲都講過，我嘅生日就等如大家嘅生日，咁祝你地生日快樂，最緊要身體健康、青春常駐，同埋開開心心最緊要！

希望你哋有難忘生日，我知道你哋做咗好多打卡同其他不同慶祝活動，無論任何形式慶祝及支持，對我嚟講都好重要。你哋每一位對我來說都係好重要，希望你哋玩得開心、小心，互相照顧！我哋繼續喺呢個里程碑上互相愛護大家，大家互相支持和正能量，You Back me up，we back it up together！I Love You！」片段尾聲時Anson Lo向Fans送上飛吻，為生日慶祝活動劃上完美句號！

於九龍塘的《Anson Lo & Sontos - Together We Glow Popup Store》，連日來吸引大批神徒打卡，收藏卡曾一度斷市。Popup Store將在本月11日結束，大家可爭取最後打卡機會。

（即時娛樂）