王浩信夥汪明荃演戲緊張手震　曾遭爺爺反對入行

「視帝」王浩信接受新城廣播《QK玉瑛室》節目主持譚玉瑛（阿譚）和何基佑訪問。祖籍新疆的王浩信深圳出生，半歲隨父母來港定居，自小在港接受教育及成長，浩信透露小時候放學回家，最愛收看阿譚有份主持的兒童節目《閃電傳真機》，充滿童年回憶，他表示：「見到譚玉瑛姐姐就有一種好親切嘅感覺。」

浩信入行前任職平面設計工作，透露兒時曾想過做童星，可惜被家中最有權威的爺爺阻止，他說：「佢話唔鍾意個孫去電視台做『茄哩啡』。直到20歲，我參加卡拉OK舉行嘅試音活動，當時唱謝霆鋒嘅歌，跟住誤打誤撞入咗行，屋企人唔支持，但我瞞住佢哋簽約。」後來浩信成功由歌手轉型做演員，並於2007年與汪明荃、胡杏兒及黃宗澤等拍攝劇集《野蠻奶奶大戰戈師奶》。首次與阿姐有對手戲的浩信表示：「我緊張到手震，嗰時完全唔識演戲，係一張白紙，喺咁多前輩面前，我惟有盡力做。阿姐可能洞察到我好緊張，佢話『你放鬆啲啦後生仔』，仲教我點演繹一個富二代。」

浩信早前與吳卓羲、郭晉安、歐陽震華等在內地網上直播節目中大跳《晚安大小姐》舞步，但舞蹈卻捱批，網民指睇看也感到尷尬，浩信則笑言：「我覺得OK喎，今日仲見到（網民）叫我去火鍋店度撈，我都想試吓係咪真係得。」他又指很多時表演或事情發生，反而多了人關注和討論，但總不能強迫對方喜歡自己：「覺得盡力去做好件事就OK，當日節目數據對工作係滿足到，亦都多咗人關注我哋。TVB出嚟嘅人係敬業，那怕幾多歲都好，就係敬業。」

東網網站 : https://on.cc/東網Facebook專頁 : https://www.facebook.com/onccnews/