最驚飲醉！鄧小巧上監製屋企「困獸鬥」

歌手鄧小巧到赤柱出席音樂分享會，表示5月中會出新歌，想趁這段空檔去旅行，本身已決定會去一個旅行，但還有幾日時間，故想去多個短旅行，但因找不到合適的機票，而且之前去了芬蘭困在錄音室「困獸鬥」寫歌，不少音樂人都想與她在香港嘗試這個方式，於是那幾天會與不同音樂人「困獸鬥」寫歌：「睇吓喺香港呢個咁多誘惑嘅城市，可唔可以困獸鬥到寫歌。」

她續笑言：「其實有個監製屋企有個細嘅Studio，我哋平時會去Chill同玩，好少一齊寫歌，我哋識咗咁耐，未試過一齊寫歌，睇吓會點樣發生。（咁會喺邊度寫歌？）睇心情，可能有時喺我屋企或佢屋企。（會困獸鬥幾日？）一個單位一日，暫時約咗兩日。」她又笑言最緊要大家不好飲醉酒：「飲醉酒就會寫唔到歌，其實好多音樂人都會飲少少酒做創作。（你飲醉酒會點？）我好唔同，有時會瞓覺或喊，又冇乜瘋狂嘅行為，我唔會喺街飲醉，驚會失儀態。（咁到時唔好飲酒？）盡量啦。」

東網網站 : https://on.cc/

東網Facebook專頁 : https://www.facebook.com/onccnews/