海港城2小時任食A5日本和牛、炭烤海鮮 人氣開心果甜品🤤🤤 [ Amelia Hong Kong ]

位於尖沙咀海港城呢間西餐廳主打炭烤🪵🔥料理，更係西班牙🇪🇸米芝蓮二星餐廳Amelia by Paulo Airaudo首間海外分店👍。

最近午市、晚市推出「Deluxe Unlimited Feast無限豪華盛宴菜單」，分三個級別套餐(基本、特級、專尚)，成人最平每位$438起，兩小時任食多款前菜、主菜及甜品😍。

✿ Prime專尚餐目 午市$638/位、晚市$698/位

飲品🍹
任飲無酒精飲品，或者可以每位+$88任飲紅酒、白酒、雞尾酒及啤酒。

前菜
三個級別套餐任食嘅前菜相同，湯類🥣有周打海鮮湯及羅宋湯，沙律🥗有6款，小食有炸物、巴馬火腿、酒煮海鮮等。

主菜
呢個最高級別套餐任食A5日本鹿兒島和牛🇯🇵🥩，可以選擇煎幾多成熟👌。海鮮種類豐富，有炭烤四頭野生鮑魚、北海道野生帆立貝、炭燒西班牙八爪魚、蘇格蘭蟶子、野生北寄貝🤤。

和牛扒火喉控制得好，油脂豐富煎得好香。海鮮好香炭香味，而烤帆立貝多肉汁，肉質鮮甜。

此外，可以食埋另外兩個級別套餐嘅主食😍！！包括有香煎鵝肝、A4日本宮崎和牛、西班牙烤乳豬、炭烤珍寶虎蝦等。

鵝肝好厚好大舊，入口即化無羶味；乳豬外皮烤得脆口，內裡肉嫩；珍寶虎蝦超大隻，有手掌咁大，啖啖肉結實彈牙，仲有炭香味。

追加⚠️
特級或專尚套餐每位+$108可以任食日本生蠔🇯🇵🦪(日本岩手縣/広田小友/令和の怪物)😱😱！！當晚每隻生蠔有手掌咁大，肉質飽滿，口感嫩滑，味道鮮甜帶少少海水味，食3隻已經回哂本🤣！

甜品🍰
任食Tiramisu、開心果巴斯克芝士蛋糕、開心果意大利雪糕、鮮制雲尼拿意大利雪糕等，今餐超滿足呀😋！

總結🫦
雖然係任食套餐，但食材用料高級👍。用餐環境舒適，更有室外座位可以對住維港海景用餐😍。

限定優惠⚠️
午市或晚市4人同行「Prime專尚餐目」免費送1隻凍法國藍龍蝦🇫🇷🦞或凍澳洲龍蝦🇦🇺🦞。凍龍蝦超大隻厚肉，都幾多膏😁。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Amelia Hong Kong
地址：尖沙咀廣東道3-27號海港城海運大廈地下G63號舖
電話：3705 1983
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

▼Follow konglui.food 港女食好西
Instagram: https://www.instagram.com/konglui.food/