雲浩影新歌初嘗硬淨曲風 台南拍MV被粉紅夕陽震撼 抱恙開工無力掃食

雲浩影（Cloud）將於下月初在麥花臣舉行首次個人演唱會，早前飛赴台南拍攝新歌《你的損失》MV，雖然來去匆匆，但她仍然好興奮，因為經歷了3個第一次：第一次唱台式硬淨風格情歌、第一次踏足台南，而且第一次親眼看見粉紅色夕陽，非常震撼。可惜此行抱恙發燒，無法享受當地美食，收工更累到無力進食，蒙頭大睡。

Cloud今年第2首派台歌《你的損失》嘗試新曲風，是伴她成長的台式硬淨歌路，她說：「今次去咗台南拍MV，亦都係我人生第一次踏足台南。《你的損失》係一首台式情歌，有啲似我細細個聽嘅嗰類，張惠妹同埋A-Lin嘅歌，仲特登選擇去台灣拍MV。」

一向予人柔弱的Cloud，新歌由歌詞到唱腔，都令人感到「硬淨」，連文案都散發堅強感覺：「雖然你把我寵得像公主，但背叛公主的騎士，我不要了！沒有你的世界，或許辛苦一點，狼狽一點……但至少沒有心碎」MV由金像剪接大師李謙明擔任導演，這是她與Cloud第三度合作，默契十足。Cloud說：「好開心今次台南拍MV，我哋去咗好多好靚嘅景點，仲睇咗我人生目前No.1嘅夕陽，全個天空都係粉紅色！」

MV中Cloud獨自欣賞夕陽、沙灘漫步、吹肥皂泡、夜市玩攤位，突顯一個人都可以很快樂。她說：「去咗夜市拍攝，可惜我唔舒服，食唔到好味嘅嘢，加上發燒，收工返到酒店時太攰，嗌咗外賣都攰到食唔到，成個人冧咗！」返港好好休息後，Cloud已全力投入準備演唱會。

（即時娛樂）