【落場無父女】參與梁家樹監製網劇 梁靖琪打唔停又被活埋

梁靖琪（Toby）有份參與爸爸梁家樹監製的網劇《蝕日風暴》，劇中飾演一位脫離毒販集團的「娃娃兵」，為生活要接受各種「任務」換取金錢。雖然今次是父女檔合作，身為監製的梁家樹卻「落場無父女」，Toby劇中要連場打鬥，更慘遭活埋，可謂吃盡苦頭。

提到拍攝被活埋的情況，Toby指當時環境惡劣，加上天氣不好，令她拍攝時好緊張，「記得當日天氣好差，泥又濕，真係好驚，心理上感到有好多蟲在泥裏鑽來鑽去，前後拍了兩日，重覆跌落一個窿後再被活埋，拍攝後我連內褲也濕透。（當時心情如何？）好像經歷生死一樣，原來被活埋真係好驚，因為我連頭也要埋在泥裏，嗰刻睇唔到嘢，又好難唞氣，真係好恐怖！」

Toby指停機後要幾個工作人員拖她上去，又不可以即時抹眼，要先用水清洗，但洗了3次頭仍然有沙，耳仔就算連日清潔，整個星期仍有沙在耳內。

（即時娛樂）