青春不要臉︱丁子朗戴祖儀男上女下　激戰梳化

藝人丁子朗（丁丁）與戴祖儀於《青春不要臉》內原本飾演一對，但因為丁丁事業有阻滯導致分手收場，而二人約定只要齊齊當上主角即告復合。今晚（3日）劇情終於輪到丁丁發威，成功躋身主角之列，對祖儀尚未心死的他「牛記笠記」急跑往會佳人，到祖儀家中相聚，門開一刻即禁不住心中慾火，先由丁丁咀爆祖儀，二人邊咀邊寬衣解帶。

丁丁露出弗爆腹肌，祖儀隨後索性騎上丁丁身上，一對戀人愛火大爆發，最終雙雙跌落梳化上溫馨一番，場面既浪漫又sweet爆。丁丁受訪表示﹕「一啲都唔尷尬，好慶幸自己遇到個好嘅拍檔，不過呢場已經係全套戲最激㗎喇。（嚟緊感情線順風順水？）又唔係喎，仲有好多風浪關余德丞事，大家記得追睇。」戴祖儀則表示：「本來都覺得尷尬，因為始終未試過啲咁激烈嘅戲，不過甫開始拍攝就知道要將啲心思放喺戲內，我哋由門口（咀）到梳化都有一段距離，全程要配合鏡頭走位，所以後來都冇再諗尷唔尷尬。」

東網網站 : https://on.cc/東網Facebook專頁 : https://www.facebook.com/onccnews/