楊淇死足幾次夠悽美　白只狂接舞台劇唔認轉行

藝人楊淇、游學修、白只、朱栢謙等將於9月演出舞台劇《久天長地》，眾人日前齊集拍攝宣傳海報，前者率先劇透，自爆角色要死足幾次夠晒悽美，她說：「因為故事都有穿越成分，所以都預咗要死足幾次，其實今次個劇本都『慘慘地』，不停要我哋勾翻起痛嘅感覺，所以都擔心排戲會喊到收唔到聲，加上做舞台劇係現場對住觀眾，如果要心痛到流眼淚，咁就真係演技大考驗。」

以型格打扮現身的游學修則指同劇演員夠晒分量，舞台上交流過足戲癮：「因為今次大家關係都好Close，好似我同白只係校友，導演係白只演藝學院嘅老師，監製又係演藝大師姐，喺前輩面前更加要打醒十二分精神！」更指非常喜歡該劇故事，有意改成電影版本，寄望有老闆投資。至於近日不停接演舞台劇的白只，自言並非「轉行」：「我都係舞台度出嚟嘅，只係中間走過去做音樂，得閒又去吓做電影，呢個時勢有劇搵我，梗係返番嚟屋企啦！其實我一直都係做舞台劇嘅喜劇，自從拍咗電影，畀人定型咗我係好陰沉嘅，連今次舞台劇都要做慘情戲，不過叫做有得做正經戲，一償心願囉！」

東網網站 : https://on.cc/

東網Facebook專頁 : https://www.facebook.com/onccnews/