黃婧靈因養狗學懂愛：會無條件去愛佢一生

藝人黃婧靈（波波）對比熊愛犬愛錫有加，更因為養狗狗而懂得愛，她在社交網說：「一直都唔明白愛，遇上你我就懂了。雖然你中文名叫粟米，英文名叫Popcorn，但係我每日都係跟心情用唔同名叫你，小比熊BB，希望你唔好狗格分裂。」

波波坦言不捨得愛犬長大，對狗狗的每一刻也好好記住，她說：「你攰都想出嚟玩嘅傻樣，24小時都想食嘢嘅眼神，你發脾氣嘅野蠻樣，做錯事成日都扮可愛個無辜樣，話極你唔可以食紙巾，你搏老命都要食紙巾，搞到我懷疑自己係咪未食過好味嘅紙巾，你每日都撩我玩hide and seek，我就日日逼你聽莫扎特提高IQ，我哋一齊食飯，一齊睇戲，一齊放電，全部都係屬於我哋之間嘅寶藏回憶。」

波波努力希望愛犬遵守家規，原來背後有洋葱，她說：「記得有啲咩可以做有啲咩唔可以做，同時健健康康長大，等我可以陪你度過每一個唔同嘅階段，保證會無條件去愛你呢隻百厭小無賴嘅一生，每一日都會畀你知，你係永遠值得被愛，值得被寵壞嘅小比熊。」

東網網站 : https://on.cc/東網Facebook專頁 : https://www.facebook.com/onccnews/