陳山聰曾被無視遭導演侮辱　學懂裝備自己要爭氣

無綫全新旅遊＋訪談綜藝節目《人生美食地圖-東京篇》，由「最佳男主角」陳山聰、「飛躍進步男藝員」阮浩棕，先後夥拍日本美食達人陳方藤主持的《人生美食地圖-東京篇》，將帶觀眾深入日本東京大街小巷，尋訪地道美食。

「人生美食家」陳山聰與陳方藤第二及第3集繼續大歎特歎享受人生，山聰先後觀賞了相撲晨操及上了劍道早課，貼身體驗了這兩項獨特的傳統日本文化及精神。昨晚（10日）1集談到日本相撲手要幾經艱辛才有機會成名時，山聰感嘆做藝人也是一樣：「你想要一個角色，唔係你想就可以，要經過好多樣嘢，就算你肯捱都好，你都要堅持到；喺我演員生涯入面，我足足堅持咗20年…我諗每個人都會經歷過畀人無視、畀人當透明，我記得我拍第1套電視劇時，畀導演喺上面panel嗌咗1句好侮辱嘅說話嚟鬧我，因為我當時唔識行位、遮住啲光，講對白又甩咳。呢件事令我明白到，做演員要爭氣、要努力、要好好裝備同學習。」

山聰續指仍是新人期間，試過在家看到自己的演出亦覺得慘不忍睹：「我真係試過返屋企睇演出，真係會喊架。嘩！好肉酸，啲對白講到甩甩咳咳、啲戲又硬。」山聰又指直到《學警狙擊》左輪1角，他的演藝生涯才迎來轉捩點：「當時我搵咗師傅艾威，特登攞劇本去佢屋企度叫佢教我點演，當然呢個過程入面有好多好多一線前輩幫咗我好多，然後慢慢你就會知道到底咩戲路適合自己。」又謙稱直到今時今日，自己還在不斷摸索合適的戲路。

談完做演員的堅持，山聰今晚（11日）將大談如何看待曾被批評態度很寸：「後生嘅，尤其做我哋呢行，邊個唔想上位？當你一有機會，你就好想表現，有時會急咗，急咗之後你做咗啲嘢出嚟，你可能覺得冇問題，但會有人覺得乞人憎，Chur得滯、甚至覺得你寸。但依家好多以前覺得我係寸嘅人，都覺得我點解善良咗咁多，其實某程度上係階段嘅問題。」山聰續指其實這些年來，自己性格一直沒有怎樣改變，只是其他原因令別人對他改觀。

而這兩集走訪的美食，分別有20mm厚燒牛舌+任食牛內臟燒肉店、有雞刺身提供的特色炭火燒雞專門店、配料多元的昆布水沾麵、甜度媲美水果的大葱鮪魚面珠火鍋、首創黑醋壽司、Omakase 江戶和牛燒肉，及米其林推薦、裝修極盡風味的漫活烏冬麵店。當中不得不提的，是共有12品的、價值 5 萬円的Omakase江戶燒肉，除有海膽+和牛他他、還有生牛肉壽司，令山聰再度「為食樣放題」、全程開懷大吃；對於這個豪華燒肉餐，山聰坦言是「人生一道」，並笑言：「呢啲食一次好喇，但萬一我老婆出街睇到，佢要嚟試，我都會帶佢嚟試嘅。」更大談首嘗牛鞭的經過及事後感。

東網網站 : https://on.cc/東網Facebook專頁 : https://www.facebook.com/onccnews/