女神配對計劃｜曾展望梁敏巧開心互動 葉蒨文傷心呷醋

無綫戀愛綜藝真人騷《女神配對計劃》 將於後晚（20日）播出第7集，正式進入Dating Camp對戰環節。5位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie），會跟13名求愛勇士玩扯大纜、中西餐配對及心意配對遊戲，當中只有扯大纜及心意配對遊戲會派出鎖匙予勝出的求愛勇士。

第一天遊戲結束後，獲得最多鎖匙的求愛勇士可與女神同房，但因部分鎖匙有機會來自其他女神，勝出者能否與自己組的女神過夜仍是未知數。Dating Camp的閨密花生團（莊子璇、何泳芍、王菲、莊思明及鄧伊婷）亦可派鎖匙給心水求愛勇士，令整個Camping充滿變數。

獲網民熱捧的「GS配」（Sophie與曾展望）在節目中甜度爆標，他們在「不能眨眼對望10秒」任務中甜笑着深情對望，Sophie笑GM耳仔紅，GM害羞地否認，惟耳仔愈來愈紅，被Sophie取笑跟身穿的粉紅背心一樣色。兩人事後接受製作組訪問時，仍然回味不已。

GM追求Sophie過程波折，除要應對表現積極的林澤謙（Him），林堡熙（Eddie）亦突然發力急追。Eddie扯大纜時因一事令Sophie好感爆升，中西餐配對更與Sophie同枱交流頻繁。他主動為Sophie留位，見Yuki想坐自己隔籬即搞笑稱要先問准Sophie，令Sophie嬌羞扁嘴。事後，Eddie直認與Sophie同枱「正」，更做勝利手勢，陽光又稚氣。Sophie表示口渴，Eddie即跑去攞水並親自斟水，還照顧同枱其他人，獲Yuki及花生團讚好。他更細心聆聽Sophie飲食喜好，誠意滿滿令Sophie感動。Sophie說：「佢眼好似淨係得我一個，好想了解我。」

Sophie自爆6年沒旅行，因前度一直未能實現承諾，自己選擇陪伴對方渡過困難。雖然Eddie全力追求，Sophie視線仍不時落在GM身上，更坦言見到GM與Maggie互動時「傷心咗一秒」。

（即時娛樂）