林子祥葉蒨文10月合體開紅館騷　一齊「白頭到老」

歌手林子祥（阿Lam）與太太葉蒨文（沙麗）自1998年同台演唱會後，跨越27年時空再度合體開唱，將於10月假香港紅館舉行一連五場的《白頭到老WE ARE ONE世界巡迴演唱會–香港站》。

阿Lam與沙麗這場名為「白頭到老」的演唱會，問到二人怎麼看這個演唱會主題？沙麗第一時間望住阿Lam，說：「『白頭到老』係佢嘅主意，我哋有一個朋友，話我哋兩個應該要有一個Slogan代表我哋，第二朝，阿Lam話一起身就諗到『白頭到老』！第一，依家都冇幾多個係一對，而且兩個頭髮都白晒仲上台唱歌，所以呢個好貼切，不過，我覺得唔只係講我哋兩個『白頭到老』，我哋唱咗咁多年，觀眾係跟住我哋一齊長大，所以我哋覺得好幸福，白頭到老可以牽涉好多人同好多事。」她續說：「阿Lam同我真係好興奮可以喺舞台上再次見到多年嚟支持我哋嘅粉絲。」

日前，二人自備衣服為演唱會拍攝海報，他們不用華麗輝煌，反而貼近大自然，簡單而有Feel，沙麗說：「我們着嚟着去都係同一類嘅衫，到呢個年紀一定要舒服、要自己開心！我哋最自然就係着牛仔褲，呢個騷係屬於我哋，呈現出最真嘅我！」不過對於阿Lam來說，拍照是挺辛苦的，他說：「記得我未夠10歲，我已經唔鍾意影相。」雖然如此，兩人拍攝時舉手投足充滿着默契，很快便順利完成，拍攝當日沙麗還為在場幫手的工作人員準備了下午茶，非常窩心！

東網網站 : https://on.cc/東網Facebook專頁 : https://www.facebook.com/onccnews/