陳家樂養兒方知父母恩　親自下廚向爸爸「贖罪」

藝人陳家樂今日到青衣出席父親節活動，即席跟名廚張錦祥學煮餸，準備在父親節親自下廚，向爸爸「贖罪」。家樂囡囡現在11個月大，為囡囡不時親自下廚的他說：「佢呢排高咗、瘦咗，但係出牙好忟憎，唔想食嘢瘦咗，同太太都會用唔同嘅方法氹佢食嘢。」

今次是他迎來第一個父親節，做了爸爸後，明白到為人父母的不易，透露今次會親自下廚為爸爸慶祝，他說：「好慚愧，冇真正煮過一餐飯畀爸爸食，今年會第一次煮飯畀爸爸食，做咗爸爸感受到驚小朋友長唔大、驚佢曳，我細個又成日駁嘴，依家要贖罪，報答返佢，唔好意思爸爸。」

講到太太連詩雅會否代囡囡向他送上父親節驚喜，他說：「唔會有驚喜，佢依家排緊舞台劇好忙，發開口夢都背緊歌詞。」他指待太太做完舞台劇，希望去旅行放假。講到開拍新戲？他指暫時未有新戲開工，正看劇本接洽。

東網網站 : https://on.cc/東網Facebook專頁 : https://www.facebook.com/onccnews/