鍾柔美疑與多位男子大尺度親密照曝光　至少拍過4次拖？

現年19歲嘅「聲夢小花」鍾柔美（Yumi）近期因緋聞而成為新聞人物，繼爆出同《青春本我》拍檔成員劉展霆（Eden）攬攬錫錫合照、獲女造型師啜面及13歲時與疑似初戀男友嘅四眼師兄頭貼頭合照後，今日（30日）再爆出多張疑似Yumi與昔日男友拍拖密照曝光，尺度更係愈嚟愈大！

三張照片中，當中兩張係二人身穿校服，疑似Yumi同照片中男性十分親密，戴住口罩都要隔住Kiss，甜爆慶祝拍拖兩周年。至於最大尺度一張，更見照片中兩位主角去到後樓梯激吻，二人心口貼心口啜爆，男方更伸手放喺女方臀部，但暫時未證實照片真偽及是否Yumi本人。

同時，有自稱為Yumi中學同學爆料，指不屑見到對方成日扮「A0」，揭鍾柔美中學時期已至少拍過4次拖，分別有風紀隊長、4千Followers嘅Busker及另外2位男同學等，感情世界似乎相當豐富。而鍾柔美早年被拍為「學霸」、「全班第一」等形象都係假象，並表示其實係因為Yumi非華語學生，嗰班全班都係外國人，計分方法又唔同，所以先係全班第一。