呂爵安被指善良易心軟　花姐：擔心他被人欺騙

ViuTV節目《呂濤米Lo Seoul》上星期播放完畢，今日（5月26日）起播出《呂濤米Lo 花Son Show》。節中關於黃慧君（花姐）由《全民造星》的監製到現在成為MIRROR的經理人，一同走過高山低谷。只有她才能打開MIRROR的心扉，與「妹豬組」成員逐一展開深情對話。

今晚（5月26日）播出的一集，由呂爵安（Edan）做第一位嘉賓同花姐深情對話。花姐坦言Edan是唯一一個沒有私底下單獨見面的成員，令他十分驚訝原來其他成員會和花姐單獨食飯。花姐指當初揀選「妹豬組」成員時，目標是想打造漫撕男小組，笑言並沒有考慮過Edan：「本身係想好似《流星花園》咁4個靚仔，點會諗到佢。點知神推鬼㧬就俾佢入咗嚟，所以覺得呢組都仲係有啲缺陷」。被指唔夠靚仔的Edan笑指自己是缺陷美，反擊呼「換過個囉，有乜所謂」，又指已獲Super Junior成員始源認證靚仔，令花姐哭笑不得。

提及當初花姐成立MIRROR，曾直言簽Edan是做團體的「配襯」時，他毫不介意並爽快答應：「當初就係想入行，而家有個機會嘅話點解唔把握？可以做到12個入面其中一個都偷笑喇，仲怨啲咩呀」。

Edan指花姐近年少了找自己分享心事，一度忍不住眼濕濕哽咽：「以前花姐唔開心嗰陣都會搵我，但係近年少咗。就會諗會唔會係我帶咗好多麻煩俾佢。以往我都唔使佢擔心，但不知不覺間都有加重咗佢嘅負擔」。花姐坦言Edan善良和容易心軟的性格，擔心他會容易被人欺騙。她指十分想念剛出道的Edan：「以前嘅你係一個好勇敢、開心嘅男仔，依家係冇咗當初嘅快樂。我心面仍然掛住會反白眼嘅Edan，希望未來相處嘅日子都會見到嗰個Edan」。Edan隨即打破感動時刻：「我都好掛住初出道好瘦嘅花姐，希望未來日子仍然可以見到好瘦嘅花姐」。

相關影片：
《呂濤米Lo 花Son Show》始終如一善良的E 先生🥹❤️ 第一集就搞喊Edan？
《呂濤米Lo 花Son Show》100%超真實Deep Talk！花姐直搗4子內心世界