George推Solo歌自肥成功　親邀偶像周柏豪作曲

男團P1X3L成員歐鎮灝（George）推出今年首支Solo派台歌《出甚麼風頭》，亦是組合P1X3L跟唱片公司完約後首個推出Solo作品的成員。George不但親自向偶像周柏豪邀歌，更成功打動柏豪跟合作無間的周錫漢及陳詠謙，齊齊擔任歌曲監製及歌詞操刀、Dick Wong編曲，幕後陣容絕對星級。

George講到同偶像合作仍難掩興奮：「其實醖釀咗成年，上年同同事講好想有首周生寫嘅歌，點知佢好好哋幫我問，周生仲一口答應：『冇問題！幫你寫！』好快就寫好呢首歌。」George又透露，寫歌前跟柏豪見過一面，提及過去一年屋企及人生經歷，對方即時心領神會：「佢好快Get到我想要啲乜，錄音時仲坐喺隔籬俾信心我，我真係好幸運。」

新歌《出甚麼風頭》歌詞其實藏着George心事，錄音時更有柏豪跟周錫漢坐鎮，整個氣氛都好安心：「佢哋不停鼓勵我，周生仲唱埋Demo，我聽完先發覺…原來唱歌真係好難㗎！哈哈！」他續說：「上年有至親離開，先發覺時間唔係想像中咁多。好多說話可能未講出口，人就走咗…所以想話俾大家知，要珍惜同屋企人相處嘅時間。」

東網網站 : https://on.cc/東網Facebook專頁 : https://www.facebook.com/onccnews/