「東張」梁敏巧被拍睡姿相　留言涉性騷擾︰尊重自己

有「東張女神」之稱的梁敏巧（Maggie），一直是節目的中堅份子，加上早前參與《女神配對計劃》節目，女神形象深入民心。日前，她北上到深圳搭地鐵時，因太累而睡著，而坐身邊的乘客認得她，更立即拿手機拍下這個時刻，放上Threads跟大家分享，並表示當時心跳加速非常緊張。事後梁敏巧都冇介意，更在相片下留言。直至有網民作出涉及性騷擾的留言，Maggie便發揮「東張女神」精神，直斥其不是。

事緣有網民在Threads分享一則帖文，表示在深圳搭地鐵時，發現身邊的女乘客不自覺睡著了，起初不以為意，直至望真一點，才驚覺是「東張女神」梁敏巧Maggie。更意想不到是當時梁敏巧已昏睡得不失衡，網民表示：「有幾下佢瞌到爭啲跌咗過嚟，我個心卜卜跳但發誓我真係咩都冇做過，不過就近睇佢皮膚真係幾好 ～～～」能夠與女神有幾分鐘的約會，而且接近零距離的同坐，的確會心如鹿撞。

事後Maggie見到帖文，並不介意被偷拍，更笑稱︰「好彩戴咗口罩，你睇唔到我流口水。」她又解釋為何會累得在地鐵睡著︰「無計啦前晚11點收工，第二朝5點幾起身去完慈善跑再去教琴，係攰同眼瞓嘅。」大部分網民都善意留言，又叫她好好休息，直至有一位網民以不雅留言，反指上載相片的版主︰「可以大庭廣眾地揸人麼？可以做到乜先」此留言就觸動Maggie神經，立即重語氣回覆︰「咁都搵到位性騷擾人呀？尊重下自己同你父母啦！」成功彰顯不平則鳴的精神，不失為「東張女神」。