「香港小姐」長文承認簽同意書 「拍攝隊意思所有人已經簽咗名」

由張婉婷執導、紀錄六位就讀英華女學校的千禧女學生在英華女學校重建下成長變遷的電影《給十九歲的我》自上映後引起爭議，當中一位有份出演的女學生「阿聆」日前以萬字文控訴學校及導演在學生反對下堅持將電影公映，經過一番風波後，《給十九歲的我》將由今日（6日）起停映。

而在紀錄片入面稱為「香港小姐」、早就因為移居外國而退出拍攝的江冰瀅，今日就在IG轉發有關「阿聆」的報導，再以長文回應，當中提到電影公映前拍攝團隊向她聲稱：「所有人已經簽咗名，剩係得我未簽，我冇諗過背後有咁多嘢嘅情況之下，我就將呢一個同意書簽咗」。對於電影揭開了2011年至今的成長片段，江冰瀅就認為電影獲外界一致好評、一切順利進行：「我當時就抱着一種心態，就係話既然係一個咁有意義嘅電影啦，公開自己小小嘅黑歷史都唔係話唔可以接受嘅。我個人睇咗呢一套電影兩次，最大嘅感想就係覺得時間過得好快。」

不過江冰瀅亦透露自己由中學時期已經離港，未感受到電影上映後帶來的影響，但就為「阿聆」發聲：「導演組同埋校方就唔應該將呢一套電影上映。畢竟人生存喺呢個世界上就係希望自己開心，唔應該將自己嘅快樂，建立在人哋嘅痛苦之上。」