陳慧嫻邊請做個唱嘉賓　揭容祖兒爆紅原因

歌星陳慧嫻近日在杭州舉行巡唱《The Fabulous 40演唱會》，並請來天后容祖兒擔任嘉賓，二人合唱完《跳舞街》後慧嫻即爆料：「我第一次『見』祖兒係喺尖沙咀街頭嘅唱片海報，一睇我就覺得（祖兒插嘴：好醜樣啊！）唔係！呢個女仔一定紅！第二次見佢就係喺一個頒獎典禮嘅慶功宴，佢拎獎！而且佢爆紅啦！」祖兒好奇反問：「點解你睇到呢張海報會覺得我有機會呢？」慧嫻直言是氣質：「唔需要太靚，但係需要有一姐嘅氣質，我一睇你就有呢個氣質。」

祖兒則「不太認同」表示：「對我嚟講你就係好靚，你當時都係爆紅。細個時候見到你，你嘅形象、衣着，都係當時廣東樂壇嘅指標，你嘅音樂就係全方位嘅一個聲色藝俱全嘅歌手。今日可以企喺你舞台上面做你嘅嘉賓，我非常榮幸，多謝你。」慧嫻補飛話：「我係話你愈大愈靚！作為一個歌手，最重要係氣質。靚女大把，但有氣質嘅女仔唔多，你同我都有，對我嚟講，容祖兒永遠都係英皇嘅一姐！」聽到慧嫻這樣說，祖兒即嚇得耍手擰頭說：「你嚟咗我唔係呀，嚇死我啦！」

慧嫻直言十分喜歡祖兒，她們早於2014年慧嫻30周年演唱會已合作過，祖兒指當年受到邀請時立即「嘍飯應」，亦十分感謝一直以來慧嫻對她照顧有加，每次的演出慧嫻都會發訊息給她鼓勵，作為一個歌手，能夠收到一個尊敬前輩認可，對她來說非常有意義。另外，由杭州站開始演唱會加入洪助昇（Aiden）及梁壁荧演出短劇，為巡演增添新意。

東網網站 : https://on.cc/東網Facebook專頁 : https://www.facebook.com/onccnews/