真人靜香現身多啦A夢展　周可茵「姐妹相認」勁似樣

無綫新聞台靚女主播周可茵（Yomi）一直都係宅男女神，眼大大嘅佢甜美又專業，近日佢都湊熱鬧去咗最hit嘅多啦A夢展覽，熱褲仔加小背心出動，本身被指一對大眼睛似足《多啦A夢》「靜香」嘅佢，今次嚟個「姐妹相認」，引發網友熱議！

Yomi晒出大批同會場公仔影嘅合照，童心滿滿十分可愛，其中一張更係佢同「靜香」合照，加上當日Yomi專登同靜香一樣着粉紅色衫，猶如兩姐妹，真係Cute到震，唔怪得網民留言激讚：「真係好似靜香」、「根本真人版」，又說：「誰都喜歡你～」

周可茵本身樹仁傳理系畢業，先後做過三個新聞台，17年加入now新聞、其後跳槽到復台的亞洲電視，擔任經濟節目《贏家online》的主播，18年加入無綫新聞至今，現為高級主播。

東網網站 : https://on.cc/東網Facebook專頁 : https://www.facebook.com/onccnews/