【「致年青人」短片來歷不明】李力持暗寸黃之鋒：起碼靚仔過痴瘋隻老鼠！

昨日網上流傳一段「致年青人：你哋冇上街嘅父母根本冇愛過你」的影片，片中的青年把遊行示威與父母的問題混為一談，不少人都質素此片的真實性，片中的人是否真的有去過遊行示威？影片來自何方？拍攝者是誰？李力持被指最大嫌疑，他由昨天至今不停出post，中午時貼文暗寸黃之鋒：「癈（廢）青！仲唔出黎指證我！話我餵你食藥，逼你拍！英雄你有料到！起碼靚仔過痴瘋隻老鼠！你上位！夠扑街我撐你！

昨天李力持在facebook貼文，內容大約為：「絕不投降拒絕道歉！建制你班癈（廢）炳當然可以唔出聲唔做嘢扮無辜。我有咩可以幫到你？你哋起碼出錢幫手剪好啲片對抗對手！你哋有無睇對手啲片呀？有無睇呀？睇完就出聲咪再放題火鍋！咪淨係識飲酒應酬爭頭位握手攞勳章。立行（即）行動救港！200萬人上街喎！怕佢條毛，我有13億人加500萬人！無論點！不能認輸！」

之後有網民在留言中貼上「致年青人」的影片，更以簡體字指：「下咗火先力哥，其實我哋呢條好成功了，不是一事無成。」而李力持則留言回應：「再加多兩錢肉緊。」

不少網民推斷此條影片是由建制派拍攝：「李力持R建制派錢拍廣告，樓下仲見到『90父母』條片藍絲都認佢哋整，仲話好成功，李力持想加多兩錢肉緊從呢個方向去拍多啲。」

李力持今天在facebook指：「想抹黑我呀！好很驚呀！癈（廢）青只有癈（廢）橋，我家下旁邊全是國安和強力部門。」和「面對逆境我唔怕！樂天知命無我符！想點玩呀！國安！強力部門！鐵布衫！Cleaner！豬肉刀！所有 Stand By！」

Text：機