傅嘉莉馬來西亞狂吃榴槤　獲贈隱藏版Labubu感興奮

藝人傅嘉莉（Kelly）與張振朗這對《刑偵12》CP大受歡迎，近日兩人應邀到馬來西亞拍廣告，今次更是Kelly加入無綫後首次到當地工作，Kelly表示：「我一直好期待去馬來西亞做嘢，因為之前見好多同事去當地宣傳，覺得當地人對TVB藝人好熱情，好想感受吓個氣氛。雖然今次唔係公開活動，所以未有機會跟當地觀眾近距離接觸，不過我哋做咗好多間當地傳媒訪問，大家都好友善，好有正能量。」她指此行收穫滿滿，除了工作以外，她還大快朵頤，品嘗了很多地道美食，尤其榴槤：「我係由《香港人在北京》起開始識食榴槤，當時吳若希收到個黑刺榴槤，係我人生第一食黑刺，原來係咁好食，印象好難忘。今次我去咗4日3夜，我日日都有食榴槤，食咗好多唔同品種，又學點開榴槤同點去區分唔同品種，好似上咗堂咁，真係好開心。」雖然振朗不吃榴槤，但他仍陪Kelly吃榴槤，Kelly將片段放上網，片中見Kelly多次發動榴槤邀請，但振朗都不領請，還一臉嫌棄，相當搞笑！除了滿足口欲，Kelly此行成為Labubu大戶，獲贈多個隱藏版及特別版，她興奮地說：「我開心到癲咗，日日都唔想瞓覺。」她希望再有機會到當地工作及品嘗美食。

東網網站 : https://on.cc/東網Facebook專頁 : https://www.facebook.com/onccnews/