FUN.CRAZY.LOVE首飾作靈感　免費送雪糕

炎炎夏日大家都鍾意食雪糕消暑，如果行行吓街突然有免費雪糕派、仲要係大師出品就真係一流。法國首飾品牌APM Monaco即日起至8月15日，在銅鑼灣時代廣場中場設有Fun Crazy Love限定雪糕車，邀請精品咖啡店品牌Elephant Grounds合作，以品牌新推出的FUN.CRAZY.LOVE首飾系列為靈感，設計3款口味「雪糕三明治」，包括：FUN- 粉紅石榴雪糕、牛油曲奇及乳酪紅莓脆脆；CRAZY - 曲奇怪獸雪糕、巧克力豆餅幹及巧克力跳跳糖

及LOVE - 日本香芋雪糕、曲奇及烤椰子片。只要Follow品牌Instagram或Wechat帳號@apmmonaco，就可以即場換領其中一款口味。

至於新推出的FUN.CRAZY.LOVE首飾系列以搖滾年代的反傳統及不羈直率的精神為主題，首飾大玩Slogan設計，手鈪、耳環及頸鏈上飾以不同英文字，包括FUN、CRAZY、LOVE、BABY、HAPPINESS等，將不同英文字首飾配搭一起，透過首飾呈現個人態度。