政Whats噏：「潛水」10 個月　游蕙禎Fb露面　網民嗌唔認得

游蕙禎預告稍後會上載短片。

因宣誓風波被取消（DQ）立法會議員資格嘅前青年新政成員游蕙禎，喺Facebook(Fb)消失10個月後，尋晚(24日)突然「上水」，仲貼文話將會有短片出。久未露面嘅佢，依然係一把長長頭髮，似係清瘦咗，瓜子臉型，唔少網民隨即起哄，猛話唔認得佢。

事實上，唔少網民話佢變咗好多，認唔到；亦有網民質疑佢整容；雙眼大咗；佢用得太勁嘅濾鏡，仲有網民話「平安歸來就好」。

話時話，佢個Facebook專頁喺舊年5月6日上載咗慶祝生日相之後，至今超過10個月冇更新過，但知道佢有同其他人合作搞直播，期間亦有傳佢結婚，但係咪真有其事就不得而知嘞！

佢今次喺貼文中寫話好耐冇同熱水爐自拍，仲預告今日(25日)稍後時間會出短片添！

其實，佢之前亦喺網上sell過運動裝，亦介紹過古董相機，而今次上載啲相，背景就係紅色嘅牆，側邊有個熱水爐，唔通今次sell熱水爐？

新聞