伍樂怡轉玩區塊鏈有一手　去埋港大開Talk講AI

前港姐伍樂怡於2023年突然宣布息影，離巢後專注發展自家泳衣品牌及做職場顧問，早前佢就宣布自己做緊「區塊鏈探索者」，今年加入與區塊鏈相關技術Layer 2（區塊鏈分層結構之一）項目，該項目「融資1700萬美元」，大搞Web 3投資。對科技發展有一手嘅伍樂怡，依家已經升級去大學開Talk，先爆去到香港大學分享人工智能（AI）及數據科學經驗。

近日佢到港大講座談及與AI和數據科學相關主題，以一身西裝外套內搭白恤衫及牛仔褲，長髮飄飄，幹練又不失女人味，果然係做過美妝KOL。伍樂怡手持咪高峰喺台上笑容滿面，又圍圈同在場嘉賓一齊討論，仲周圍打卡，並透露有意進軍內地校園，佢發文：「第一次去香港大學進去後迷了路哈哈哈 回校園的感覺真好 希望有機會來國內的學校參觀一下。」

東網網站 : https://on.cc/東網Facebook專頁 : https://www.facebook.com/onccnews/