【瑜伽】駱駝式Camel Pose　成敗關鍵在於盤骨？

做Camel pose嘅時候，有時聽老師話要推pat pat向前，但係有時又聽到我哋要挺胸，但係更多嘅時候我條頸都唔知點樣先至自然舒服，好似跌咗向後唞唔到氣咁。

#盆骨的移動方法❗️
盆骨除咗前傾後傾，其實都仲可以向前移動。向前移動，並唔一定伴隨盆骨後傾。當我哋推pat pat嘅時候，本來只係想透過盆骨前移去穩定中心同我哋向上身向後彎既動作作出平衡。但當我哋過度嘅推pat pat向前，可能就會令到盆骨過度後傾，不但只令到恥骨凸咗出嚟，亦都會覺得成個上半身好似壓左向後，無法打開心口，唞唔到氣。

#盆骨和胸腔的相對關係❗️
當我哋推胸向前嘅時候，我哋就會令到我哋盆骨前傾，亦即係大家見到嘅翹pat pat。而當我哋個胸推前過我哋嘅盆骨嘅時候，肚皮就冇辦法打開，髖位置無法伸展，最後只係可以打開到個頭頸位置。

#尋找肚皮張力🌟
要做出向後彎嘅動作，我哋都需要搵到身體前側的一個整體拉力。所以我哋嘅胸同埋我哋胸腔同盆骨嘅角度都要係一個中立嘅位置，兩者都唔可以出現前後傾，因此唔需要過度嘅兜pat pat亦都唔需要過度嘅挺胸。讓我哋嘅下巴拉開帶動我哋的重心轉移，盆骨就會自動前移。假若前後重量一致的話，應該可以感受到腳背重量壓穩喺地下。

大家可以透過腳步嘅感覺佢知道究竟我哋需要前移定係向後彎。如果真係去到唞唔到氣，我哋都可以透過重盆骨前傾帶動自己還原動作，然後從個動作返嚟嘅過程，去尋找一個更舒適嘅呼吸位置。

▼Follow amyyyyyyyc
Instagram: https://www.instagram.com/amyyyyyyyc/