劉穎鏇隧道公然換衫　大庭廣眾除褲搞邊科？

藝人劉穎鏇（Tiffany）拍攝無綫劇集《奪命提示》時撞正生日，監製文偉鴻送上寫著「Tiffany生日快樂，大紅大紫」蛋糕，豈料身穿病人戲服的她第一個反應竟卻是撒嬌：「呀！我呢件病人服嚟！」。貪靚的她為了影靚相不惜在隧道上「換衫」，劉佩玥（Moon）見狀亦笑說：「呢位少女係都唔要着病人衫，我第一次見到有女演員喺隧道入面換衫！」

只懂傻笑的Tiffany則堅持貪靚原則說：「唔可以咁樣（着病人衫影靚相）架。」更邊換衫邊與Moon「雙劉」合體，大跳開心舞，萌到爆。換上小背心晒纖腰和短褲的Tiffany之後更在隧道中又彈又跳狂打卡，盡顯活潑一面。

東網網站 : https://on.cc/東網Facebook專頁 : https://www.facebook.com/onccnews/