莊子璇爆葉蒨文鍾情Bad Boy　最緊要身體1器官夠細

無綫戀綜《女神配對計劃》大受歡迎，在明天（20日）播出的一集中，幾位女神的閨密將會組花生團登場，分別有葉蒨文（Sophie）閨密莊子璇（Hilary）、李芷晴（Step）閨密何泳芍（Honey）、羅毓儀（Yuki）閨密王菲及關嘉敏（Carman）閨密莊思明。

其中Hilary、Honey及王菲便先後化身「爆料熱線」輪流玩踢爆。Hilary直指每次跟Sophie傾偈，都是圍繞戀愛話題，並自豪謂：「所以佢嘅情史我係知得非常之徹底，我知佢鍾意一啲望落好Bad boy嘅樣，同埋眼細係一定要！」至於Honey則笑指只要Step一有動作，便能馬上看穿Step對誰人有意思：「佢嘅情史我唔係淨係知道咁簡單，我係同佢一齊經歷，我會喺佢嘅行為度睇到佢鍾意邊個人咯。」

至於王菲，則自爆經常與Yuki撐枱腳時𥄫靚仔，並笑謂Yuki有向她放風指自己對其中一位求愛勇者有 Feel：「佢有透露過對其中一個幾有 Feel嘅，我都希望我可以幫佢做吓助攻。」至於Yuki情傾誰人答案已經呼之欲出，Yuki繼續零掩飾她對林俊其（Kris）的偏愛，玩完第一個回合後，雖然Kris在環節中表現零突出，但她仍派發心動鎖匙給對方，連Kris也受寵若驚，全程睇實比賽進程的主持林盛斌見狀忍不住問：「點解嘅？佢淨係出戰過一次架咋喎！」而Step則毫不客氣大叫：「偏心」。Yuki事後她接受製作組訪問時勁坦白承認對Kris的鍾愛：「有機會要揀嘅時候，一定要畀自己最想畀嗰個人。」

東網網站 : https://on.cc/東網Facebook專頁 : https://www.facebook.com/onccnews/