光明大押｜柯煒林演年輕版堅叔命途坎坷多喊戲

柯煒林在ViuTV原創劇《光明大押》飾演年輕版堅叔，跟兩位小演員有不少對手戲。（大會提供 / 明報製圖）

柯煒林、謝君豪在ViuTV原創劇《光明大押》分別飾演年輕版及中年版堅叔。（大會提供）

謝君豪、呂爵安、練美娟等主演的ViuTV原創劇《光明大押》即將進入結局周，劇情交代更多堅叔的過往經歷。柯煒林（Will）飾演年輕時代的堅叔，他說︰「豪哥（謝君豪）飾演嘅中年版堅叔有啲收埋自己，但年輕版堅叔嘅命途比較坎坷，經歷咗唔同嘅意外事件之後，有好多情緒屈咗喺心，所以都有幾多需要喊嘅戲分。我幾慶幸可以做年輕版堅叔，經歷到呢個角色嘅大起大落。」柯煒林在劇中跟兩位小演員黃梓曜、石芯悠有很多對手戲，他說︰「佢哋兩個演戲嘅時候好投入，完全係流真眼淚，但有得玩嘅時候又玩得好放，非常犀利，同佢哋合作得好開心！」