ERROR肥仔雙喜臨門成功翻撻初戀女友又做老闆

肥仔最近好事連連。

ERROR隊長肥仔（梁業）近來可謂愛情事業兩得意，除與MIRROR成員邱士縉（Stanley）齊齊開舞蹈學校，升呢做老闆外，更與舊愛阿芬復合，昨晚（23日）肥仔就帶同阿芬現身岑寧兒的音樂會。

肥仔與初戀女友阿芬拍拖8年，去年5月女方突然在社交平台宣佈「分」訊，坦言二人是因了解而分開，肥仔及後亦表示兩人暫時未能繼續走下去，但會繼續支持對方。其實早年肥仔跟阿芬都分過手再復合，如今再一次箍煲成功，不少網友都戥肥仔高興，並紛紛送上祝福。