黃美棋晒合照賀母親節　餅印家姐激罕曝光

童星出身的黃美棋與男友鍾健威（Ray）本月6日正式拉埋天窗，結束11年愛情長跑。不過仍然沉醉於新婚Mode的她，連日來在社交平台分享婚禮靚相，就連昨日母親節，她亦晒出與媽媽及家姐Kasey當日在婚禮上的合照，三人都穿上中式裙褂，其中一張黃美棋攬實媽媽，眼泛淚光，場面感動。

而在貼文中黃美棋亦抒發心聲，向媽媽和家姐表達愛意：「我人生中有2個很重要的女人～一個我媽咪，一個我家姐，祝你哋母親節快樂～今年影到呢一張好有紀念價值嘅一張相，我一直都希望我出嫁嘅一刻，可以同你哋一齊着起好華麗嘅裙褂影到呢張靚相～我諗我人生嘅其中一個成就，就係有你哋喺身邊，多謝你哋一直無條件嘅付出同愛護～」

東網網站 : https://on.cc/東網Facebook專頁 : https://www.facebook.com/onccnews/