李幸倪出首張彩膠碟限量800隻　呢個number要拎去拍賣

歌手李幸倪（Gin Lee）昨日開心報喜，人生第一張彩膠碟面世，她展示印有她肖像的《Leap Of Faith》彩膠碟，開心得手舞足蹈，留言說：「我人生中第一隻彩膠碟，終於出現喇！黑膠就出過幾次，彩膠又真係第一次，好靚啊！出完大碟之後，好多fans已經開始問：「會唔會出黑膠呀？」其實一路都籌備緊，好嘢係值得等待㗎嘛！德國製造，慢工出細貨。」Gin Lee指都市人步代急速，有時更需要放慢下來，嘗試去用心感受生活的點滴，她覺得聽唱片的好處是：有溫度、有儀式感及可以收藏。

今次的彩膠限量推出800隻，向來錫粉絲的她，決定保留幾個有意思的號碼，以拍賣形式競投，而其中一個「0826」是Gin的生日代號，她笑言：「最最最特別嘅number喺我手上。」直言彩膠碟的重量與溫度，收藏不單止是音樂，而是與粉絲一齊走過的軌迹。

東網網站 : https://on.cc/東網Facebook專頁 : https://www.facebook.com/onccnews/