「御用惡人」黃文標親認患柏金遜　親自交代病況

前藝人黃文標晚上在尖沙咀出席禁毒電影首映禮，講到好友游飈上月因腦出血離世，黃文標指其身後事已經籌備得七七八八，待舉行儀式，透露游飈太太與女兒難免感到哀傷，但亦相當堅強。他除了協助辦理身後事，亦要協助處理游飈環保公司業務，他說：「以前公司嘅業務都係游飈負責打理，依家就變咗我係主力，如果自己嘅病情冇加重，暫時都OK嘅。」問到游飈家人可有經濟壓力﹖他說：「冇咗家庭支持都有啲抆，以前兩個供養個女，依家變咗佢太太，所以都有啲經濟壓力。」

黃文標在電影《尋秦記》扮演古天樂二弟「滕賢」，因電影受到觀眾關注，早前有網民發現他「迷失」商場，擔心他身情況。受訪時出現手震的他透露醫生初步評估是患上柏金遜初期：「係家都睇緊醫生，都係睇咗一個禮拜，都試緊啲藥，初步評估係柏金遜初期，但係未確診，之後都要做MRI檢查，依家最大影響係手震、平衡力差咗、動作緩慢咗，主要係左邊半邊身，右手就冇乜事。」他又認為生死有命，對病情也不會擔心太多，自言單身寡佬，對往後生活也沒有特別安排，未有想到太長遠。

雪梨最近在網上節目中透露14歲初入行時被前無綫高層借醉行兇「抽水」，當時幸得已故的黃樹棠出手相救，並送她回家，至今也相當感激。雪梨與米雪出席首映禮時被問到該高層是誰，雪梨指對方已離開無綫多年，就算碰面也當不認識：「唔講得、唔講得，要講之前都講咗，會死人㗎，唔講得。」米雪指雖然這些事件在圈中見慣不怪，但她覺得最重要是懂得保護自己，自言沒有遇過這類事件。雪梨則謂因家姐不喜歡吸煙喝酒，故麻煩事大減。

東網網站 : https://on.cc/東網Facebook專頁 : https://www.facebook.com/onccnews/