仔女遺傳表演欲　余香凝揚言不想栽培當童星

影后余香凝主演的劇集《麻甩媽咪》正在熱播中，囝囝Clement更被臨時拉伕「客串」，引發網民熱議。原來她的一雙子女都遺傳了媽媽的演藝細胞，余香凝坦言大女Clare很喜歡舞台上的演出，與觀眾即場互動。

而Clement首次亮相幕前，則完全是個偶然﹕「導演好想一鏡到底，如果用假B公仔拍嘅話，機位要避嚟避去，咁啱我個仔當時瞓醒同食飽奶奶，就送咗佢嚟幫手。拍攝期間佢完全冇喊喎，仲好好奇咁周圍望，咁完成咗佢人生第一次嘅拍攝，好有回憶及紀念價值。」

問到會日後否栽培子女們入行當童星，余香凝回應﹕「做童星需要精力充沛，同埋喺現場應付好多嘢，我真心佩服同我合作過嘅童星，但我就真係咁捨得俾仔女入行嘞，尤其囝囝依家已經歲半，叫佢拍戲真係有啲難度，佢一定周圍搞同行嚟行去，控制唔到㗎。」

東網網站 : https://on.cc/東網Facebook專頁 : https://www.facebook.com/onccnews/