【又紅又腫仲損埋】黎瑞恩眼睛「生蛇」一個月仍未康復

黎瑞恩「生蛇」的位置非常貼近眼睛。（黎瑞恩facebook圖片 / 資料圖片 / 明報製圖）

黎瑞恩表示其病情反覆，至今已一個月仍未康復。（黎瑞恩facebook圖片）

黎瑞恩在社交平台上載照片，相中的她眼睛及眉心位置又紅又腫，還損了一片。她說︰「我係想同大家講，我病咗呀！上次同大家開完Live之後，隔咗兩日，發現隻眼好唔舒服腫咗，初時以為自己生眼瘡，點知睇完醫生話我隻眼生蛇，唉！我成個人最靚就係對眼，點知…上次Live已經係7月23日，條🐍搞咗我差唔多已經一個月喇，因為疫情，舞台劇改咗在家ZOOM排練，初時都有頂硬上，但愈來愈辛苦，最後都要向劇團告假，喺屋企大概休息咗3個禮拜，病情反反覆覆，依家好似已漸入佳境，但係就非常痕癢，希望盡快好番，等到差唔多好番曬（晒），就可以同大家見面，暫時仲要繼續忍一忍。尋（噚）日收到舞台劇通知，因為疫情要延期，非常可惜，不過希望大家體諒，6月見大家喇，好掛住大家呀！更要多謝《男人40 CEO》劇團各位隊友，呢段時間辛苦大家啦！」