盧瀚霆將於新加坡WATERBOMB表演　「好期待一路玩水一路唱歌」

亞洲頂級音樂盛事《WATERBOMB SINGAPORE 2025》今日（5月7日）公佈首批演出陣容，當中MIRROR成員盧瀚霆（Anson Lo）是其中一人，他將獻出首個個人海外音樂節。Anson Lo對今次演出充滿期待更難掩興奮：「上年喺澳門同Edan、Jeremy做咗個show，都係玩水唱歌跳舞，真係好興奮！自己由細到大好喜歡水上活動，所以今次可以再次一路玩水、一路唱歌，對自己講係今年好期待嘅演出之一。」

至於演出內容，Anson Lo透露歌單方面未落實，但一定大部分跳唱為主，說：「最多都係一兩隻慢歌，因為今次都會想配合現場party，一啲好hyper好summer嘅感覺，所以一定係跳唱高能量舞台表演為主。」新加坡天氣炎熱，Anson Lo笑言服飾必是清爽look，背心一定少不了，到時現場反應好不排除給神徒和觀眾小驚喜。

《WATERBOMB SINGAPORE 2025》將於8月30至31日在新加坡聖陶沙西羅索海灘舉行。這場夏日盛事雲集亞洲頂尖藝人，包括韓國實力派偶像HUTA（BTOB李旼赫）；GOT7成員JAY B；新生代hip hop 歌手ASH ISLAND；傳奇女團EXID等。特別值得期待的是《Street Woman Fighter 2》冠軍TEAM BEBE將與一隊神秘國際舞團合作，帶來前所未見的水上舞蹈表演。