JW讚2歲姨甥仔乖 未計劃生BB 支嚳儀3歲囝囝跟媽咪打氣

王灝兒（JW）和《中年好聲音》的羅啟豪、支嚳儀（支支）等，今天（26日）出席音樂節活動，獲大批粉絲現身支持，迫爆商場。JW很久沒唱商場騷，她共唱了3首歌，問男友有否來捧場？她說：「沒有，但有很多粉絲來捧場，疫情已3、4年沒跟粉絲聚會，希望盡快跟歌迷聚會。」

JW指粉絲愛屋及烏，之前她出席婚紗展，粉絲竟然找她的2歲姨甥仔簽名留念，她又自爆日前帶姨甥仔去主題樂園培養感情：「家姐話我係佢第2個媽媽，唔想因為工作，令我哋變得生疏，初時我都擔心佢會扭計，但玩咗6小時都好乖，冇話要搵父母，仲話返屋企會話畀佢哋知發生乜事，好感動。」不過JW未有計劃生BB，又表示即將推出的新歌就是她的BB。

羅啟豪和支嚳儀獲過百粉絲支持大為感動，羅啟豪父母亦現身撐場，他說：「父母唔係每次都現身支持，因為要讓位畀粉絲，粉絲除送花畀我，有啲早上7點已霸位，每次做完騷，佢哋都會等我合照，又整嘢食畀我。」

支嚳儀獲3歲囝囝來打氣，囝囝非常活潑，不時與媽咪擊掌講加油，9月生日的支嚳儀表示會舉行小型生日音樂會，與80位粉絲聚會。

（即時娛樂）