前港姐王卓淇自揭網紅秘聞　原來公司想佢做呢樣嘢

前港姐亞軍王卓淇離巢TVB後，近年主力於內地發展事業，更轉型做網紅，不時在社交平台拍片分享生活，繼早前她自爆昔日在無綫的片酬待遇後，日前她再拍片透露曾有公司有意將她打造成娛樂爆料博主。最近內地女網紅「Thurman貓一杯」因傳播網絡謠言而導致社交平台被全面封禁，引起網友熱議，王卓淇也藉此機會分享自己曾遇到類似經驗。

她透露自己一開始做網紅時，就有公司邀請她加入，表示會為她度身訂造人設，成為娛樂八卦博主，「佢哋覺得因為我嘅經歷，可能呢類型嘅話題會多啲人點讚，佢哋會幫我做資料搜集，寫好劇本，到時我照講就得，但係要講到好似我嘅親身經歷。」但她認為照劇本講述非自己親身經歷，再加上自己的藝人身份，即時不公開名字亦會對其他人造成影響，所以拒絕了邀請。王卓淇又坦言作為博主，都是以真誠和真實去拍片：「除非係一啲搞笑視頻，但係引起一啲段子，我哋都有責任要盡快澄清，就算作為觀眾，睇到一啲熱點都要有判斷力。」

東網網站 : https://on.cc/東網Facebook專頁 : https://www.facebook.com/onccnews/