【Samsung Galaxy S23評測】5分鐘終極懶人包 超強兩億像素拍攝主鏡頭 夜間人像拍攝模式 丨三星Samung S23 S23+ S23Ultra #評測 #懶人包 #S23 #s23

一年一度嘅SamSung發佈會又黎啦，今次Galaxy S系列會加入左三個新成員，分別係Galaxy S23 、Galaxy S23+ 、 Galaxy S23 Ultra ，今日就同大家睇睇呢三部機帶左啲咩野驚喜比我地。
首先睇睇屏幕方面，Galaxy S23系列都會配搭1750nits峰值亮度嘅FHD+ Dynamic AMOLED 2x屏幕，支援HDR10+，而且所有系列嘅屏幕都會支持120HZ嘅屏幕更新率。而且今次S23系列會採用新技術「Vision Booster」調光技術，令到屏幕係唔同環境光源或者角度，都可以自動調節最佳嘅屏幕亮度比用家
S23嘅屏幕尺吋會係6.1吋、S23+嘅屏幕尺吋會係6.6吋，而S23 Ultra嘅屏幕就會係6.8吋。
今次S23 Ultra同S22 Ultra一樣，都會加入S Pen嘅功能，今次S Pen功能同S22唔一樣嘅地方在於，過往係Google嘅功能，例如Google搜尋引擎或者Google Map都要用番電話嘅鍵盤去輸入文字。
但今次就可以用S Pen，以手寫嘅方式去輸入文字，真係方便左好多啊。
而處理器嗰方面，S23系列都會採用高通嘅訂製版處理器Snapdragon 8 Gen 2 Mobile Platform for Galaxy。
相比起普通版嘅Snapdragon 8 Gen 2，Galaxy訂製版處理器嘅Cortex-X3 超大核心頻率會由 3.2GHz 提升到 3.36GHz。
再配搭埋S23系列本身嘅Dynamic AMOLED 2X屏幕，簡單黎講就即係令到用家無論係睇片或者打機都會有最流暢、最舒適嘅體驗同埋效能啦。
喺相機嗰方面，S23同埋S23+分別會配搭左5000 萬像素廣角鏡頭、1200 萬像素超廣角鏡頭同埋1000萬像素嘅光學變焦遠攝鏡頭、而前置鏡頭就會係1000 萬像素嘅自拍鏡頭。
而S23 Ultra鏡頭嗰方面，今次就會升級為兩億像素廣角鏡頭、1200 萬像素超廣角鏡頭同埋1000萬像素嘅3倍、10倍光學變焦遠攝鏡頭，最後前置鏡頭同樣都會係1000萬像素。
今次S23系列嘅夜拍功能，都會採用左「Nightography黑夜亮攝」技術，而且自拍現在都可以運用到夜間拍攝啦，咁就無論朝早定夜晚都可以影到明亮而且清晰嘅影片同相片。
而主打兩億像素廣角鏡頭嘅S23 Ultra ，支援16 合1像素合拼技術， 再輔以「Super Quad Pixel 4」像素對焦技術，影相更易對焦更穩定之外，相片嘅細節、紋理都會清晰過上年嘅S22好多。
另外，S23系列會採用金屬中框同埋玻璃機背，材質就會用到環保材料「Gorilla Glass Victus 2」 再造玻璃以及 Armor 鋁製框架，成部機身亦都支援IP68 防塵防水等級。
電池嗰方面，S23會配備3900mAh電池、S23+就會係4700mAh電池，最後S23 Ultra 就係5000mAh嘅電池容量。
S23系列都會支援Super Charging 2.0嘅快速充電、S23會最高會支援25W嘅快速充電、而S23+同埋S23 Ultra就會支援最高45W嘅快速充電器
最後，Samsung Galaxy 系列有四種顏色可以選擇 ，分別係雪慕白色、雅淡紫色、叢林綠色同埋霧光黑色。
S23會有三個版本可以選擇，分別係8G RAM+ 128 , 256 , 512GB ROM。
S23+就會有兩個版本可以選擇，分別係8G RAM+ 256 , 512GB ROM。
而最後S23 Ultra就會有 8G , 12G RAM + 256 , 512 , 1TB GB ROM六個版本比大家選擇。
如果有更多相關新情報~ Alfred我會再為大家報導
希望你地會鍾意我今次嘅介紹啊，記得Like同埋訂閱我地Meeeepmore嘅Facebook同埋Yotube Channel，今集講住咁多先，Bye Bye~