葉蒨文遭曾展望攻陷　碰鼻尖甜爆畫面曝光

無綫戀綜《女神配對計劃》在本周日（27日）播出一集中，「國民CP」曾展望（GM）及葉蒨文（Sophie）繼續大派閃光彈！GM將再次獲得與Sophie玩親密互動遊戲機會，題目為「女神和男士需鼻尖碰鼻尖10秒，途中不能分開」，當Sophie知道要和GM有身體接觸後即時震驚掩嘴，GM還口花花說了一句：「可以改一改個秒，變10日！」二人鼻尖觸碰一刻開始後，Sophie全程表現超緊張，中途更一度笑住向後縮︳之後在一片「未有十秒呀！」的起哄聲下，兩人的鼻尖再度「重逢」，可惜多番因Sophie太激動而要「重新再嚟」，期間不停被人調侃：「玩到聽朝呀！」、「係咯，特登嘅你一定係！」、「我好似睇咗婚禮錫十秒嗰啲咁」。事後Sophie接受製作組訪問時依然一臉冧樣，還大晒嬌俏樣隔空「問責」GM，又自認在GM面前做不了平時強勢的自己：「唔知點解GM嘅佻皮，搞到好似我都變咗小女孩咁咯。我有時見到佢笑笑吓，咁我又忍唔住就咁樣咯。」

不過GM本集依然未有佔盡上風，更會親眼目睹Sophie與同組勁敵林堡熙（Eddie）大玩傳水杯互動，GM雖即場難掩失落樣，但仍全程強顏歡笑，事後更以層遞方法連講三次「幾呷醋」：「惟有強顏歡笑咯，唔想散播負能量，但我本身都幾呷醋，都幾呷醋，真係幾呷醋。」期間Sophie及Eddie被人從後用力推向對方，嚇到Sophie瘋狂尖叫，GM見狀即第一時間彈出來護花：「喂，守規則架嘛！」

東網網站 : https://on.cc/東網Facebook專頁 : https://www.facebook.com/onccnews/